Xalq artisti Amaliya Pənahova dünyasını dəyişib.
ExtraPress Qafqazinfo.az -a istinadən xəbər verir ki, bu barədə məlumatı əməkdar artist Hüsniyyə Mürvətova sosial şəbəkədə yayıb.
Onun sözlərinə görə, A. Pənahova gecə saatlarında vəfat edib: “Amaliya xanım bir müddətdir xəstəlikdən əziyyət çəkirdi”.
Qeyd edək ki, xalq artistinin 73 yaşı var idi.
Xatırladaq ki, A. Pənahova 1992-ci ildə Bakı Bələdiyyə Teatrını yaradıb. Prezident təqaüdçüsü olan aktrisa 2000–2005-ci illərdə Azərbaycan Respublikası Milli Məclisinin millət vəkili, sosial-siyasət daimi komissiyasının üzvü, MDB Parlamentlərarası Mədəniyyət, İnformasiya, Turizm, İdman daimi Komissiyasının sədri, İtaliya-Azərbaycan Parlamentlərin işçi qrupunun sədri olib.
2013-cü ildə “Obrazın yaranma prosesində aktyor yaradıcılığında ikinci planın təcəssüm vasitələri” mövzusunda doktorluq işini müdafiə edərək sənətşünaslıq elmləri doktoru elmi adını alıb .
17 iyun 2015-ci ildə Azərbaycan mədəniyyətinin inkişafında böyük xidmətlərinə görə “Azərbaycan Respublikası Prezidentinin fəxri diplomu” ilə təltif edilib.
ExtraPress
exstrapresscom.wordpress.com 